Роналдо очекува близнаци
![](https://duma.mk/wp-content/uploads/2021/10/249378246_275439057826884_433642252689726334_n-e1635434425367.jpg)
Фудбалерот на Манчестер Јунајтед и еден од најдобрите во светот – Кристијано Роналдо, потврди дека неговата партнерка Џорџина Родригез е бремена.
Таа очекува близнаци.
Португалецот ја објави веста на социјалните мрежи придружувајќи ја со снимка од ултразвук.
„Нашите срца се полни со љубов. Едвај чекаме да ве видиме“, се вели во објавата.
Двајцата се пар од 2017 година, а имаат една заедничка ќерка – Алана Мартина (4 години).
Роналдо е татко на уште три деца од сурогат мајки – Кристијано Џуниор (11 години) и близнаците Ева и Матео (4 години).
Оваа година тој се врати во Манчестер Јунајтед од Јувентус. Се очекува да заработи 235 милиони долари оваа година и е еден од ретките спортисти што заработил повеќе од 1 милијарда долари пред оданочување во кариерата.
![](https://duma.mk/wp-content/uploads/2021/05/SEMM.jpg)