(видео) MIYATTA со нов сингл „Добра ноќ, добар ден“

Miyatta, Elizabeth Paul, има нов сингл насловен „Добра ноќ, добар ден“. Оваа песна која е од новиот албум насловен „Вида“ беше изведена премиерно на концертот во Куршумли – Ан во рамките на прoграмата на Скопско Лето. 

-Официјалниот видео запис ја визуелизира  атмосферата од концертот кој се одржа на 28ми јуни а всушност беше концертна промоција на албумот. Ја користам оваа прилика и да Ве известам дека утре, вторник, 18.07.2023, со почеток од 19:00 часот, ќе имам чест да ја отворам сезоната на музичкото вечерно матине кое традиционално се одржува во Скопје Сити Мол. На сцената поставена на платото кај детскиот парк и ДНК кулата, ќе се претставам со авторски и кавер репертоар, а ќе настапам со акустичен состав придружувана од Кире Мирчовски на гитара и Иво Митковски на бас гитара, додаде MIYATTA.

Mузиката и текстот е на MIYATTA, Elizabeth Paul, аранжман, клавијатури и микс Ангел Ќосев, студио Подрумот и придружни вокали Мартина Нанеска, Елена Васова, Дино Хриџиќ, Стефан Манасиевиќ, Бранко Илиевски и Зоран Тортевски. Мастеринг – Дамир Пух, GreenRoom Sound Studio и режија и монтажа Љупчо Трајковски.

Дума.мк