(Видео) Пукна кров на авион за време на лет: Поради силни турбуленции, патниците исфрлени од седиштата, има и повредени 

На видео снимено од патник во Кина се гледа што се случило за време на лет од Шангај до Пекинг минатиот понеделник.

Како што се гледа на видеото од летот на Ер Чајна, патниците и екипажот буквално биле „исфрлени“ од своите места за време на големи турбуленци. Во исто време пукнал покривот на авионот, што предизвикало дополнителна паника.

Според „Дејли мејл“, по инцидентот се повредени најмалку еден патник и еден член на екипажот. Опишувајќи што се случило, патник на летот рекол дека покривот на авионот пукнал и дека е започната итна постапка за евакуација.

“Првата половина од летот беше мирна. Одеднаш во последните 30 до 40 минути додека патниците доаѓаа и излегуваа од тоалетот, дојде до колапс”, изјави еден од патниците на платформата Веибо.

Тој додаде дека неколку патници се повредени, но се уште не е познато колку лица точно.

„Видов жена на 40-годишна возраст и стјуардеса како се обидува да и помогне“, изјави за Глобал Тајмс друг патник на летот, кој е професор по геофизика.

Тој им честиташе на членовите на екипажот бидејќи, како што рече, „и покрај стравот, тие се жртвуваа за да ги заштитат патниците кои не носеа појаси. Потоа со професионализам и смиреност им помогнаа на сите што беа повредени“.

Дума.мк