Првоодделенците од ООУ „Васил Главинов“ ја посетија велешката библиотека и посакаа да станат идни библиотекари
Во домот на книгата, градската библиотека „Гоце Делчев“, денешни посетители беа учениците, првоодделенци од основото општинско училиште „Васил Главинов“ заедно со своите наставнички Славица Левкова и Александра Величкова Зафировска. Тие имаа можност да се запознаат со начинот на работа на библиотеката, видов на литературата со којшто располага и правилата за зачленување, користење и грижа на книгите.
-Учениците учествуваа и во квиз наменет за литература за деца и имаа средба со роднокрајната авторка Наташа Брезовска – Богоевска која им прочита приказна од нејзината книга „Шумски приказни“. Поминавме прекрасно време во читање и другарување со книгите, велат од велешката библиотека „Гоце Делчев“.
Дел од учениците изразија желба да бидат и идни библиотекари.
Стефани Манева