ЦЈЗ Велес: Водата на прва плажа во велешко езеро „Младост“ е здравствено безбедна за капење
Велешани и туристите кои доаѓаат или транзитно минуваат покрај езеро „Младост“ безбедно можат да се капат во водата на прва плажа. Центар за јавно здравје Велес ги соопшти резултатите од лабораториските испитувања за здравствена безбедност на водата во езерото. Резултатите се од земени примероци на површинска вода на прва плажа на 30 мај и завршени лабораториски испитувања на 5 јуни, годинава.
Според резултатите, кои ги содржат констатираните вредности и реверентните вредности, анализираната мостра на вода по однос на микробиолошките индикатори оценета е за одлична додека по однос на физичко хемиските параметри одговара на четврта класа по присутна матност, на трета класа по сатурација,сув остаток, BPK5 и амоњак додека по однос на останатите испитани параметри е во втора и прва класа.
Центар за јавно здравје напоменува дека од извршените испитувања и стручна анализа може да се заклучи дека водата на езеро „Младост“ на мерно место „Градска плажа 1“ може да се користи за капење и за рекреација и покрај отстапувањето од бараната втора класа на некои физичко хемиски параметри кои не се одразуваат штетно по здравјето на капачите.
Убавка Јаневска