Издумани Крлевизми: „И на тркалезната маса секој гледа од свој агол“

Нови 15 издумани Крлевизми од велешкиот афористичар Атанас Крлевски. Прочитајте ги и започнете го денот со насмевка!

-И сценографијата е режија!

-Солени ни се и слатките јадења.

-Сон на демократот – да стане роб на слободата.

-Има тежок занает. Каменорезец е… на камења на сопнување.

-Во нашите редови нема мангупи. Ги криеме меѓу редови.

-За туѓ стан се плаќа станарина. Во туѓ живот се живее бесплатно.

-И на тркалезната маса секој гледа од свој агол.

-Нема демократија со волци, а уште помалку со овци.

-Блескав ум! – рече полтронот, по уште една глупост на шефот.

-И оваа власт ја оправда мојата недоверба.

-Играњето по такт е опасно… освен во музиката.

-Имаме кучиња за лаење. Немаме толку карвани.

-Бистар ум, а мати вода!

-На еден Тарзан, безброј мајмуни.

-На некои вработени најтешко им е меѓу две кафиња. Нема што да
работат.

Афористичар Атанас Крлевски

Дума.мк