Извидниците од Велес учесници на рафтингот „Битката на Неретва“ во БиХ – врачена благодарница на „Тузлак“ за учеството на Вардарска регата
Објавено: 20 август, 2026, во 15:54 часот
Над 200 учесници годинава беа дел од рафтинг манифестацијата „Тузла и пријателите – Неретва 2026“ во Босна и Херцеговина а меѓу нив и 12 членови на ИО „Димитар Влахов“ од Велес. Во име на Вардарската регата „Гемиџии“, велешките извидници на домаќините од рафтинг клубот „Тузлак“ им врачија благодарница за нивното учество на 26-тата Вардарска регата „Гемиџии“. Пријателството започнато на реката Вардар продолжи на река Неретва.
– Во периодот од 14 до 16 август 2026 годинава, 12 извидници и гемиџии на покана на рафтинг клубот “Тузлак“ од Тузла, Босна и Херцеговина земаа учество на рафтинг манифестацијата „Тузла и пријателите – Неретва 2026“ или „Битката на Неретва“. Рафтинг спустот се организираше на реката Неретва, а ние и повеќе од двеста учесници бевме сместени на терените на Борачко езеро во близина на градот Коњиц. Треба да се нагласи дека оваа рафтинг манифестација беше прекрасно организирана на прекрасно еколошки зачуваната река Неретва,“ рече Ангелче Гушев старешина на ИО “Димитар Влахов“.
На споменатата регата учествуваа рафтери од републиките Хрватска, Црна Гора, Србија, Босна и Херцеговина и Република Македонија.
Дијана Иванова
