Сè повеќе млади заразени со корона – вакцинацијата и за нив е најсилното оружје против ковид-19
![](https://duma.mk/wp-content/uploads/2021/08/Se-poveke-mladi-zarazeni-so-korona-vakcinacijata-i-za-niv-e-najsilnoto-oruzje-protiv-kovid-19.png)
Од прегледите може да се заклучи дека голем дел од младите не обрнуваат многу внимание на протоколите и заштитата, што впрочем се потврди со тоа што најголем процент од заразените биле на концертите во Охрид во периодот пред и по продолжениот викенд за 1 август. За голем дел од нив вакцинацијата е уште тема за која одбиваат да разговараат, со образложение дека се млади и дека кај нив сè ќе помине полесно, што, за жал, кај новиот сој таа теорија не може да ја потврдиме за точна, изјави доктор Бојан Трајковски, вработен во ПЗУ Ординација по општа медицина „Медика Вера“ за „Вистиномер“
Пишува: Мирослава Бурнс
Последниот извештај на Институтот за јавно здравје, кој ја регистрира состојбата со новозаразени од ковид-19 во земјава, откри интересен податок. За разлика од порано, кога се заразуваа претежно повозрасни лица, во последната недела од следењето на состојбата со коронавирусот, најзастапена е возрасната група на лица од 20 до 29 години. Извештајот се однесува на состојбата во Македонија од 19 до 25 јули и во него се регистрирани 35 млади на оваа возраст кои се новозаразени.
„Вистиномер“ поразговара со експерти од областа на медицината и епидемиологијата, кои дадоа свои видувања зошто младите стануваат сè поизложени на инфекција.
Професорот на Медицинскиот факултет, доктор Драган Даниловски, вели дека причините за тоа што најголем број од новозаразените во посочената недела се на возраст од 20 до 29 години е поврзана со вакцинацијата, односно нејзиниот опсег.Затоа што кај нив сега вирусот е најкомотен, таму наоѓа најширок простор за воспоставување ланци на инфекција! Зошто? Затоа што таа возрасна група остана со најмал опфат на вакцинирање, вели професорот Даниловски.На прашањето како младите од 20 до 30 години го поминуваат коронавирусот откако ќе се заразат, тој вели дека симптомите се претежно лесни.Претежно лесно, како да добиле потешка настинка. И тоа не ги спречува воопшто да се дружат интензивно. А, тоа што потоа ќе заразат свои домашни, родители, баби, дедовци, кому му е грижа? Во општество во кое нема заедништво, солидарност, емпатија, општество кое е збир на индивидуалисти и егоисти, ова е очекувано. Нека ни е за утеха дека и сите други западни општества исто поминуваат. За разлика од Истокот, но тоа е друга тема, за социолози и психолози, вели професорот.Матичните лекари велат дека сè почесто гледаат млади пациенти кои имаат симптоми на коронавирусот во своите амбуланти.Доктор Бојан Трајковски, вработен во ПЗУ Ординација по општа медицина „Медика Вера“, покрај амбулантските прегледи, кои ги спроведува во ординацијата, исто така, е во медицинскиот тим кој оди во домашна посета на пациентите.Сето ова што се случува периодов, беше сосема очекувано и беше прашање на време кога ќе се случи. Поучени од претходните искуства и од сите студии кои сè почесто ги има, постојано апелиравме токму за да го избегнеме постоечкиот бран, но, за жал, дојде побрзо од очекуваното. За разлика од претходните соеви, овој делта сој се покажа особено контагенозен што може да го увидиме и потврдиме и од работата на терен со нашата домашна посета ПЗУ „Медика Вера“, вели доктор Трајковски за „Вистиномер“.Тој додава дека имат значително поголем број прегледи на млади кои доаѓаат со симптоми на коронавирусот.Речиси 40 проценти од пациентите кои ги прегледуваме се млади лица под 20 години и за разлика од претходно, кај нив сега веќе гледаме многу посериозна симптоматологија. Целата симптоматологија е пропратена со бронхопневмоничен наод, честа температура, истоштеност, дијареа, повраќање, нешто што не беше карактеристично толку многу за останатите соеви, ниту, пак, за овој временски период од годината. Од прегледите може да се заклучи дека голем дел од младите не обрнуваат многу внимание на протоколите и заштитата, што впрочем се потврди со тоа што најголем процент од заразените биле на концертите во Охрид во периодот пред и по продолжениот викенд за 1 август. За голем дел од нив вакцинацијата е уште тема за која одбиваат да разговараат, со образложение дека се млади и дека кај нив сè ќе помине полесно, што, за жал, кај новиот сој таа теорија не може да ја потврдиме за точна, ни рече доктор Трајковски.Епидемиологот, доктор Александар Стојанов, поранешен директор на Центарот за јавно здравје Скопје, а на почетокот на пандемијата и член на Комисијата за заразни болести, вели дека и младите и повозрасните мора да се вакцинираат со еднаков опфат за да се избегне трансмисијата на коронавирусот.Недозволиво е наставниците да не бидат вакцинирани, а децата да одат на настава со физичко присуство. Во минатото, кога немавме доволно вакцини пристигнати во земјава, имаше некаква логика да се прават приоритетни групи, односно да се вакцинираат прво здравствените работници најизложени на ризик, па повозрасните. Сега, кога имаме доволно вакцини на располагање, треба да се вакцинираат сите, вклучително и младите, ни рече доктор Стојанов.Институтот за јавно здравје почна да прави и неделни анализи за тоа колку од луѓето што се заразиле или починале, примиле две дози вакцина, а по втората доза поминале 14 дена, доволниот временски прозорец потребен да почне да се создава имунолошката заштита, односно антителата. Оваа анализа ќе се објавува секој петок и ќе се однесува на процентот на вакцинирани меѓу позитивните случаи и починатите од ковид-19 во државата.Во периодот од 6 август до 12 август на територијата на државата 3.497 граѓани се позитивни од тестирани, од кои 450 биле целосно вакцинирани, односно само 12,8 проценти. Голем процент, дури 87,1 процент или 3.047 граѓани од позитивните на ковид-19 не биле вакцинирани. Во периодот од една седмица на територија на државата починале 25 лица со ковид-19, ниту еден од нив не бил вакциниран, известија државните здравствени власти.Министерството за здравство укажува на важноста на вакцинацијата, нагласувајќи дека секоја вакцина која ја имаме на располагање во државата е безбедна, ја намалува шансата од заболување, спречува тешка форма на болеста и штити од смртен исход. Оттаму апелираат граѓаните да се вакцинираат и порачуваат дека само така „ќе спречиме ширење на мутации на Сарс Ков 2“.
Сите коментари и забелешки поврзани со овој и другите написи на Вистиномер, барањата за корекции и појаснувања, како и предлозите за проверка на изјавите на политичарите и ветувањата на политичките партии, можете да ги доставите преку овој формулар
![](https://duma.mk/wp-content/uploads/2021/05/SEMM.jpg)