Шест креативни идеи како сами да направите новогодишна елка: Заштедете време и пари

За многу луѓе, украсувањето на својот дом за празниците е период од годината кога особено го очекуваат. Секој го закачува својот омилен украс на елката, низ куќата се развлечени светилки, а посебно е чувството кога ќе седнете и ќе видите дека добро сте завршиле работа.

Сепак, има нешто посебно кога правите елка или украс и ја изразувате својата креативност, а бонусот е што секогаш дома се прави нешто поубаво и оригинално од она што можете да го купите во специјализирани продавници.

Ако мислите дека големите зелени новогодишни елки се застарени и дека постојат подобри начини на кои можете да го декорирате вашиот животен простор – на вистинското место сте.

Се што ви треба е доза на креативност и умешност, а уредувањето на вашиот дом ќе биде многу поинтересно доколку ги вклучите и најмладите членови на семејството.

1. Елка од светилки

Ова е веројатно најбрзиот и најлесниот начин сами да направите новогодишна елка.

Потребни ви се само неколку клинци на кои ќе можете да ги закачите светилките, а можете да додавате и украси со помош на безбојна селотејп трака.

2. Креативен начин за користење книги

Старите книги кои собираат прашина на полиците конечно ќе ги добијат своите пет минути. Наредете ги книгите во цик-цак, а на крајот ставете ги свеќите.

3. Украсете стари скали

На скалата можете да ставите се што имате од декорацијата. Најпрво околу скалата ставете ламби, па на нив закачете украси, а на скалите можете да наредите новогодишни фигури.

4. Едноставно и убаво

За време на прошетката во природа земете неколку гранки и од нив направете своја елка. Потребна ви е жица која ќе ја држи целата конструкција, а на вас е да ја декорирате како што сакате.

5. Елка од фотографии

Оваа елка би можеле да ја наречеме и „Божиќна елка на спомените“. Прелистајте ги старите албуми и одвојте ги омилените фотографии, а потоа залепете ги на ѕидот во форма на новогодишна елка. Кога ќе ги додадете светлата, доживувањето ќе биде целосно. Најдобро од сè е што не мора да се фотографирате дури и кога ќе завршат празниците.

6. Елка на ѕидот

Ова е одлична идеја, особено ако сакате да заштедите простор во мал стан.