Антониа Гиговска со нова песна: Слушнете ја „Атлантида“ (видео)

Антониа Гиговска пред неколку дена ја објави нејзината најнова песна насловена „Атлантида“ и истата веднаш се најде на речиси сите топ-листи на радиостаниците во земјава.

Познатата пејачка повторно соработуваше со Лазар Цветкоски, додека пак текстот повторно е дело на раперот Тајзи.

„Идејата за оваа песна беше на Лазар Цветкоски, бидејќи него многу го интересираат приказните за Атлантида и од таму е идејата. Јас сум презадоволна од песната, спотот. Некои можеби ќе кажат дека е „обична“ песна, но за тие што го мислат тоа објавивме уште една верзија на песната, односно „sad version“, па која верзија повеќе им се допаѓа, таа нека ја слушаат“, вели Гиговска.

Како и за останатите песни, така и за оваа Антониа и нејзиниот тим одлучија да снимаат видеоспот за новата песна. Како режисер на видеото се потпишува младиот и талентиран Томислав Живковиќ, а истиот се снимаше во Грција, Галичник и во Скопје.