Изложба „Балканска геометрија“ на академскиот сликар Милош Милосавлевиќ поставена во Ликовен салон Велес

Седумнаесет слики, масло на платно, ја сочинуваат поставката преку која академскиот сликар Милош Милосавлевиќ ја раскажува „Балканската геометрија“ во Ликовен салон Велес. Изложбата беше отворена вчера вечер кога можеше да се види и слушне за ликовниот говор на авторот којшто се поврзува со асоцијативната геометриска апстракција која на сликарски вешт начин се спојува со лирската апстранкција, предавајќи се на духовното истражување во времето и просторот.

Директорот на Народен Музеј, Ангел Коруновски ја отвори изложбата.

Ѕидот како метафора за дезинтеграции на балканот и за поделби се појавува во секој мотив на сликите, рече академскиот сликар Милош Милосавлевиќ и појасни како естетски се обликувани.

Ова е втора самостојна изложба на Милосавлевиќ во Велес. Поставката “Балканска геометрија“ својот пат го започна од Ниш и преку Врање, Нови Пазар и Скопје допатува во Велес. Потоа следни нејзини дестинации ќе бидат Крушевац, Крагуевац, Белград, Темишвар и Солун.

Убавка Јаневска