Понеделничен афористички поздрав од Коки

Вредниот и мотивиран велешанец создаде нови шест афоризми што Ви ги пренесуваме со цел работната недела да Ви започне со насмевка.

-Заради зголемениот интерес за нејзино „МЛАТЕЊЕ“, неопходно е потребен итен увоз на ПРАЗНА СЛАМА.

-Какво ѓубре ви е мажот, во бракот треба се да ви цути.

-Ако од седиштата на политичките партии се отстранат сите дилетанти, постои оправдано стравување дека многу простории ќе останат празни.

-Убавите секретарки не можат да го зголемат производството, ама…можат да го зголемат бодот.

-Кога некој брак е на проба, секогаш се појавуваат многу дегустатори.

-Мажите се како фудбалските екипи, многу им е помил бодот отстрана, отколку трите на домашен терен.

Афористичар

Никола Бошков – Коки