Понеделник резервиран за афоризми од велешкиот афористичар „Коки“

Велешкиот афористичар Никола Бошков „Коки“ и овој понеделник издвои шест нови афоризми со цел да го разубави вашето секојдневие.

-Родители, обедите се своите деца да ги воспитувате барем во паузите на турските ТВ серии.

-Патиштата не ни се толку тесни колку што на возачите им недостига широчина.

-Ниту еден политичар не е социјален случај, единствено на некој од нив знаењето им е сиромашно.

-Власта секогаш си ги решава проблемите: ги вработува определените на неопределено време.

-Се разбира дека сопругот ќе ве изневерува, штом постојано се обидувате да го држите само за зборот.

-Како може таа да се зазема за заштита на човековата средина,кога не е во  состојба да си ја заштити ниту својата..

Афористичар

Никола Бошков – Коки