Промоција на музичка тема посветена на добиот човек Дејан Костов Лица

Преку фб страната и youtube каналот на Здружение за алтернативна култура „Алтер Центар“  Кавадарци, во недела, 10 јули, ќе биде промовирана музичка тема посветена на добиот човек Дејан Костов Лица, урбан лик и градска легенда. Музичката тема е по повод меморијалниот ден „Денот кога се роди добриот човек“ и е посведена на целокупното урбано и градско живеење во Кавадарци.

– Музичката тема е целосно авторско дело, специјално подготвувана подолг период искрено и со љубов, со оригинална музика и текст. Ја исполнува група музичари и уметници под името „Лиса“, а е насловена како „Пријатели и другари“. Здружението за алтернативна култура „Алтер Центар“ Кавадарци од 2012 го негува алтернативното културно живеење во градот, се разбира во рамките на своите скромни можности. Десет меморијални манифестаци „Денот кога се роди добриот човек“ посветена на Дејан Костов Лиса, урбана градска легенда и соработник на најдобрите уметници од сите области, седум изданија на Меморијалната манифестација „Пријателите за Ристо“ посветена на еден од најголемите кавадаречки и македонски ликовни уметници Ристо Соколов Сокол, рок концертот „Кога Кавадарци свиреше Rock’N’Roll – 25 години од првиот Тиквеш Рок Фест“,  „Тиквеш Рок Фест“ кој досега доживеа четири изданија и „Алтернативни пејсажи“ настан за промоција на нови рок групи, синглови и албуми, пишува во соопштението на Здружение за алтернативна култура „Алтер Центар“.

Музичката тема ќе биде промовирана со почеток во 18:00 часот.

Стефани Манева