Шест нови афоризми на велешкиот афористичар Бошков

Како би ја започнале новата работна седмица ако не со насмевка? Велешкиот афористичар Никола Бошков „Коки“ со шест нови афоризми за повеќе насмеани лица. Ширете позитивна енергија!

-Моралот ни е се уште на цена: во градот не постои ниту еден балкон…без гаќи!

-Откако школувањето ќе ни биде бесплатно, тогаш со сигурност ќе можеме да речеме дека децата џабе ни одат на училиште.

-Луѓето се секогаш исти: посакуваат убав автомобил, убава викендичка и…туѓа жена.

-Додека некои жени во креветот читаат, други бројат.

-Многу убав, современ развод: нему автомобилот, нејзе станот, а децата …на бабата!

-Кога спортскиот ТВ коментатор би ја коментирал бременоста, сигурно не би умеел да објасни: дали е тоа грешка во одбраната или непромислена игра во нападот.

Афористичар

Никола Бошков – Коки