Се удави маж во езерото на брана Лисиче
Објавено на 3 август, 2017 во 09:30
Педесет и две годишен маж од село Дреново се удавил вчера во водите на езерото на браната Лисиче во општина Чашка.
Полицијата информира дека околу пладне додека Ѓ.Ј. и Б.И. (52), двајцата од Дреново, ловеле риба на браната Лисиче, виделе дека во езерото има тапа.
Б.И. скокнал во водите да ја извади, по што потонал и не се појавил на површина.
Веднаш биле повикани полициски екипи како и нуркачки тим од Единицата за специјални задачи кои околу 18.15 часот го пронашле телото и го извадиле од езерото./У.Ј
