Исчистени диви депонии на повеќе локации во Велес

Вработените од Јавно комунално претпријатие „Дервен“, утрово, ја исчистиле дивата депонија којашто била создадена од страна на несовени грѓани на улица „Димитар Влахов“ , позади скопскиот импрес.  

По пријава на граѓанин во текот на вчерашниот ден, била исчистена и дива депонија на улица Киро Ќучук број 41.

Исто така, исчистена е и дива депонија во населба Дворови на улица Благој Нечев, веднаш до трансформаторот на ЕВН. На оваа локација вработените од комуналното претпријатие успеале да соберат 6м3 смет и гранки.

За жал, оваа глетка е многу честа во градот и отпад е расфрлан на повеќе локации. Вработените од комуналното претпријатие се постојано на терен. Но, за градот да биде чист, потребна е соработка од страна на граѓаните.

Стефани Манева