Издумани Крлевизми:„Сончогледи, секој ден не е сончев!“
Објавено: 9 јануари, 2026, во 14:29 часот
Десетте најнови афоризми на Атанас Крлевски испраќаат пораки за случки од секојдневниот живот на обичниот, мал човек а дел се наменети и за нешто поголемите но, не според личната висина, тежина, изглед итн. Прочитајте, ќе ви „текне“:
„Ние градевме кули на плажа, а нашите синови – покрај плажа!“
„Вечен талент – чиста загуба!“
„Откако ја пронајдов жената на моите соништа, сон не ме фаќа.“
„Сончогледи, секој ден не е сончев!“
„Неискрените одговори ги примам со искри. Ги горам!“
„Ако си залутал, опасно е да стигнеш далеку.“
„Бидете често пред огледалото! Тоа е најдобриот психолог.“
„Кој знае сѐ – не знае ништо!“
„Најмногу учам од добрите книги и лошите луѓе!“
„Вештачка интелигенција? Природно си е природно!“
Вашиот, Атанас Крлевски
