ЈКП „Дервен“ ќе врши дневно собирање на сметот

Јавното комунално претпријатие „Дервен“ ги известува велешани дека согласно Одука донесена од страна на Советот на Општина Велес, од денеска, ќе врши дневно собирање на сметот.

– ЈКП „Дервен“ ќе врши дневно собирање на смет, два пати неделно, шест дена во неделата (од понеделник до сабота) вклучувајќи и државни празници, а во централното градско подрачје и по главните сообраќајници секој ден, во периодот од 7.00 до 14.00 часот (понеделник – петок) и во сабота од 7.00 до 12.00 часот. Во централното градско подрачје и долж главните сообраќајници собирање на смет ќе се врши и дополнително од 17.00 до 22.00 часот, пишува во соопштението на ЈКП „Дервен“.

Оттаму ги замолуваат граѓаните сметот да го изнесуваат во период од 06:00 до 07:00 часот во деновите определени за собирање на смет.

Стефани Манева