Капете се на велешко езеро, избегнувајте го долниот тек на река Бабуна

Резултатите од последните анализи на квалитетот на водата во езеро Младост што ги изработи Центарот за јавно здравје Велес покажуваат дека водата е исправна за капење. Хемиските и микробиолошки анализи на мостри земени од водата на првата градска плажа на Езеро Младост, микробиолошки е исправна. Според физичко- хемиските параметри водата по матност е во петта категорија додека по однос на други параметри е во втора и во прва категорија.

Потребно е да се избегнува капење во водата во река Бабуна. Резултатите од направените анализи на Центар за јавно здравје, покажуваат дека првата плажа на Бабуна, над кланицата, бактериолошки не е исправна. Водата ја содржи бактеријата ешерихија коли. Резултатите од земените мостри коишто се однесуваат на матноста на водата во реката покажуваат дека таа е во петта категорија додека по бактериска контаминација е во трета категорија.

Освен за капење водата во реката не е препорачливо да се употребува и за наводнување на земјоделски површини.

Стефани Манева