Лав побегна од циркусот во Кавадарци!

Ова е веста што на широко вечерва ја прераскажуваат кавадарчани кои биле да гледаат циркус.

Брзата и трезвена реакција на вработените во циркусот “Сафари“ не дозволиле да се случи трагедија.

Според кажувањата на присутните кафезот во кој бил затворен лавот паднал, а опасното животно се нашло на само неколку метри од публиката. Присутните, кои во најголем дел биле деца почнале да врескаат стравувајќи дека лавот ќе ги нападне. Но, за среќа, лавот наместо кон публиката си заминал кон излезот од шаторот.

Реагирале вработените, го скротиле животното и повторно го вратиле назад во циркусот, а поголем дел од публиката си заминала стравувајќи за својата безбедност.