Конституиран Локален младински совет на Општина Велес, Трајковска е претседателка а Варналиев заменик

Ања Трајковска, претставник на Организација на жените на Општина Велес е избрана за претседателка и Марко Варналиев преставник на ОСУ „Јовче Тесличков“ за заменик претседател на Локален младински совет на Општина Велес.
Локалниот младински совет брои вкупно седум членови со избраните претседател и заменик претседател. Советот има мандат од две години.

Во наредните две години, освен Трајковска и Варналиев, членуваат и Марко Ангелов, претставник на Фондација „Импакт нет”, Лилјана Андовска, претставник на Фондација за локален развој и демократија „Фокус”, Андреј Божиновски, претставник на Центар на активни граѓани „Активо”, Теона Гаштарска, претставник на Организација на жените на Општина Велес и Кристијан Мартинов, претставник на Еколошко друштво „Вила зора”.
Ова тело на локалната самоуправа, составено од млади претставници на различни форми на организирање и здружување, има советодавна и застапувачка улога за прашањата од младински интерес на територијата на општината.
Стефани Манева
