Министерката Тренчевска во Велес на предновогодишна дружба со децата од градинката „Димче Мирчев“ 

Министерката за труд и социјална политика, Јованка Тренчевска денеска ја посети Јавната детска установа „Димче Мирчев“, во Велес каде што покрај предновогодишната приредба во изведба на децата од оваа градинка, во духот на новата година се оддржа и детска претстава  во која учествуваа Снежана Конеска -Руси и Дедо Мраз.

Детската претстава одиграна од страна на актерите, беше можност и за промоција на сликовницата „Новогодишна сказна“, која покрај кириличното писмо, го има и знаковниот јазик и брајовото писмо. Низ приказна на децата им беше истакнато значењето на инклузијата односно на вклученоста на сите во општеството, како и дека различностите треба да се почитуваат и прифаќаат. Примероци од оваа сликовница добија библиотеките на сите градинки во Велес.

Министерката Тренчевска на дечињата во градинката „Димче Мирчев“ им посака многу радост, смеа, љубов и уште многу вакви убави дружби во новата 2023 година.

Дума.мк