Полицијата привела насилник којшто и се заканувал во инцидент пред домот на сопругата со која се разведувале

Полициски службеници на Сектор за внатрешни работи Велес, вчера попладне, во 17:00 часот, го лишиле од слобода Г.Т.(36) од Велес, постапувајќи по претходна пријава.

„Според пријавеното Г.Т пред домот на родителите на  неговата 35-годишна сопруга, со која бил во бракоразводна постапка, и се заканувал, фрлал и кршел предмети на терасата и го нападнал нејзиниот 34-годишен брат,“ соопшти портпаролката Биљана Ѓаковска.

Од Сектор за внатрешни работи Велес додадоа дека Г.Т. бил задржан во полициска станица, известен бил јавен обвинител и по документирање на настаните против него ќе биде поднесена соодветна пријава.