Крушевичка Река попладнево се излеа кај Росоман

Водата се прелеа и му се закани на дел од асфалтот на регионалниот пат Градско – Прилеп, изјави градоначалникот Стојанче Лазов.

-Засега нема поголеми штети. Во текот на денот пристапивме кон чистење на наносите и превентивно чистење на околината за да не дојде до поголеми последици.

Општината ги утврди критичните точки и превзема активности за спречување на штети од поплавите. Според градоначалникот фирмата „Машинокоп” со својата механизација и помага на општината чии вработени ја следат состојбата на терен и доколку е потребно ќе превземат потребни мерки./У.Ј