Судскиот совет ја избра Мила Цилакова за судијка на Основен суд Велес

Изборот на Цилакова се одржа денеска, на редовна седница на Судскиот совет, кој за избор на еден одлучуваше по поднесени кандидатури на вкупно три кандидатки од Велес.

Мила Цилакова е дипломец на Правен факултет при УКИМ во генерација 2006/2007 година и две години подоцна положен првосуден испит. Таа почетното искуство го стекнала како адвокат и има завршено Академијата за судии и обвинители.

Со новоизбраната судијка во Основен суд Велес се вработени 11 судии и заедно со претседателката на судот Валентина Ѓоргиева вкупниот број на судии во овој суд изнесува 12.