Светиниколци новата година ја почнаа со дводневна крводарителска акција
Објавено на 3 јануари, 2019 во 17:26
Kрводарителите во Свети Николе, денеска 3 и утре 4 јануари, ја реализираат првата акција во Новата 2019 година што е организирана од општинскиот Црвен крст и Републичкиот завод за трансфузиологија во Скопје.
На дводневна крводарителската акција се очекува голем одзив на граѓаните.
Меѓу првите што денеска даруваа крв беше и градоначалникот Сашо Велковски.
Минатите години според бројот на собраните крвни единици Свети Николе се наоѓа во врвот листата на општини со најголем број на дарители. Според показателите се очекува и оваа година да биде една од успешните со надминување на зацртаниот број, неколку десетици проценти повеќе собрани крвни единици.
Резултатите за собраните крвни единици ќе бидат соопштени во петок, на 4 јануари./У.Ј
