Традиционално се одржа деветоноемвриска крводарителска акција, велешани повторно ја докажаа својата хуманост

Вкупно 173 граѓани ја подадоа својата рака и даруваа крв со цел да спасат човечки живот на традиционалната крводарителска акција по повод 9-ти Ноември, ден на Општина Велес.

Според Општинската организација на Црвен Крст Велес оваа крводарителска акција е успешна и велешани повторно ја докажаа својата хуманост.

Седум часовната акција беше организирана 13-ти пат по ред од Мото клубот „Носачи на крстот“ заедно со Општина Велес и Црвен Крст.  Реализатор на истата беше Општинската организација на Црвен Крст од Велес како и Екипи од Инситутот за трансфузиона медицина.

Оваа крводарителска акција беше спроведена во текот на вчерашниот ден, 7 ноември, недела, во просториите на Ликовен Салон во Велес.

Стефани Манева