Утрово се случила сообраќајна незгода кај клучка Росоман
Објавено на 21 мај, 2024 во 11:23
Сектор за внатрешни работи Велес информира дека утрово, во 07:40 часот во Одделение за внатрешни работи Кавадарци било пријавено дека кај клучка Росоман се случила сообраќајна незгода.
-Во сообраќајната незгода учествуваа патничко возило „опел“ со скопски регистарски ознаки, управувано од А.Р.(45) од Скопје и товарно возило „ивеко“ со бугарски национални ознаки, управувано од А.З.(59) од Прилеп. Во незгодата, возачот на патничкото возило се здобил со телесни повреди констатирани во болницата во Кавадарци, пишува во дневниот билтен на СВР Велес.
Увидот е во тек, а сообраќајот се одвива нормално и без застој.
Дума.мк
Поврзано:
