Екологистите, на денот на планетата Земја, со платформата Зелена Македонија бараат решенија за десетте жешки точки од политичките партии

Велес  сеуште има историски еколошки загадувања со состојбата на почвата, квалитетот на храната, со близината на топилничарската депонија до градот и градините на кои воглавно се одгледува зеленчукот што граѓаните го купуваат. Денеска кога светот по четириесет и петти пат го одбележува денот на планетата Земја и ги потенцира главните и сериозни проблеми кои се закана за човекот и за  биодиверзитетот, бара поголемо глобално внимание преку практикување на одржливиот развој екологистите на „Вила зора“ сметаат дека Македонија конечно треба да покаже дека мисли на иднината за своите ѓраѓани и на заштитата на животната средина.

Тоа државата може да го покаже со тоа што прво ќе почне да ги решава жешките еколошки точки, вели првиот велешки екологист д-р Ненад Коциќ.

„Пред преставниците на политичките партии во Скопје ќе ја промовираме Зелената Платформа. Тие веќе ја добија и ја разгледаа а денеска очекуваме одговор дали ја прифаќаат, поточно нашите предлози за решавање на десетте жешки точки или пак ќе предложат нивни решенија за решавање на истите, рече д-р Коциќ.

Д-р Коциќ го прашавме што ќе се случи доколку политичките партии не ги прифатат решенијата на тимот составен од експерти и екологисти содржани во Зелената платформа.

„Наше е да им понудиме како ние мислиме дека треба да се решат проблемите а одговорноста и последиците се нивни доколку ги прифатат или не ги прифатат или пак понудат сопствени решенија за решавање на десетте еколоѓки жешки точки во Македонија,“ рече д-р Коциќ.

Платформата Зелена Македонија ги содржи решенијата на екологистите и експертите за дислокација на топилничарската згура во Велес, решенијата за  индустриското загадување во Кавадарци, Тетово, Скопје, Битола и Кичево, бесправната шумска сеча, загадувањето на реката Вардар, заштитата на националниот парк Маврово и реката Радика, зачувувањето на езерата и нивниот биодиверзитет, прогласувањето на Шар Планина и планинскиот масив Мокра за национален парк, давањето приоритет за воспоставување и прогласување на мрежата Натура 2000 во Македонија, заштитата на културниот диверзитет, дополнувањето на Законот за животна средина со цел забрана за градење индустриски капацитети на растојание помало од 5 километри од населените места како и спроведувањето на законите за управување со отпад