Локалните истражувачи за корупција на обука и размена на искуства во Загреб
На тридневна обука и размена на искуства во Загреб заминаа десетте локални истражувачи за откривање на корупција во меѓународниот проект „Размена на најдобрите практики од ЕУ за следење и спречување корупција на локално ниво“. Освен претставниците на граѓанските здруженија таму се и преставниците на министерството за локална самоуправа, од Асоцијацијата и од Инспекторатот за локална самоуправа.
Тие ќе посетат повеќе институции и со претставници на партнерски здруженија ќе разговараат за тоа како поминал хрватскиот модел на скенирање на корупција на локално ниво. Проектот го финансира ЕУ и министерството за финансии а го имплементира Центарот за истражување и креирање на политики.
– Очекуваме крајниот реципиент, граѓанинот, да има благодет од имплементацијата на законите во државата. Очигледно дека во државата не е проблем да се донесат закони туку тие да се имплементираат и да бидат благодет за граѓаните. Тука е проблемот и на тоа макотрпно работи Европската унија и секако граѓанскиот сектор кој во иднина треба да се занимава со оваа проблематика која најверојатно ќе биде дел од основните рак рани во општеството, рече Игор Смилев од Еколошката групација „Green Power“. Тој е еден од десетте локални истражувачи на проектот.
Инаку се она што доаѓа од Европа и е предмет на финансирање се однесува на корупција и добро владеење. Очигледно тие два сегменти се од помалигните општествени појави во Македонија па и пошироко во регионот. Како да се владее добро со парите на граѓаните во локалната заедница, има ли корупција и колку е изразена, е целта на овој проект.
– Тоа е таргетот, поточно локалните самоуправи и планските региони. Јас сум задолжен за двете општини Велес и Градско во кои ќе треба да се реализира овој проект кој инаку ќе потсетува како треба добро да се владее, дали има корупција и колку таа е изразена на локално ниво, рече Смилев.
Локалните истражувачи штом се вратат од Хрватска локалните истражувачи ќе ги започнат истражувањата. Ќе организираат и аналитички активности за транспарентното работење на локалните самоуправи во кои основен интерес е дали постојат коруптивни моменти во нивната работа, Во третата фаза ќе треба да се работи на подигање на свеста на граѓаните за работењето на општините. Граѓанинот е во центарот на вниманието на проект и до него треба да допре пораката која ќе произлезе од истражувањето. /Б.Н