Полицијата контролирала но ни трага ни глас од рели возачите, во спротивна насока, на автопатот Велес – Скопје
Се вози во спротивен правец на автопатот Велес – Скопје. Тоа се случува ноќе кога автопатот служи како писта за рели возење. Таму се вози брзо и лудо, пишуваа на своите фејсбук профили граѓани кои се загрижени за безбедноста и патувањето по оваа автопатска делница. Тие бараа да се превземат мерки и да се спречи покажаната неодговорност и несовесност која може да се одрази по животот на секој што патува а особено на граѓани кои со ништо не придонеле за евентуална несреќа.
До министерството за внатрешни работи не стигнала официјална пријава за рели трките на автопатот. Министерката Јанкуловска знае за гласините веќе пласирани на социјалните мрежи, ги проверува и таму била направена дополнителна контрола. Резултати засега нема, не се пронајдени рели возачите.
– Ова е вонредно опасно однесување доколку се случи и казните се најмалку што треба да се направи бидејќи најчесто во ваква ситуација кога се вози со голема брзина во спротивна насока последиците можат да бидат фатални. Ние ќе продолжиме со контролите и не само на овој потег од Велес кон Скопје туку на сите сообраќајници на кои постои зголемен ризик, рече Јанкуловска
Таа уверуваше дека контролите, постојаната присутност на полицијата и репресивните мерки ќе дале резултати.