Повторно ограбена играчницата „Адмирал“ во центарот на Велес
Грабежот се случил синоќа, околу 23 часот и 20 минути, од двајца мажи кои во играчницата влегле маскирани и со оружје во рацете. Еден од нив им се заканил на двете вработени жени и побарал да му го дадат прометот. Заканата им ја упатил додека во раце држел пиштол. Вториот, нешто повисок разбојник, го држел на нишан обезбедувачот на играчницата и во еден момент му се обратил со зборовите „Ти не ме гледај“.
Грабежот траел неколку минути поточно се додека вработените не ги ставиле парите, околу 112 илјади денари, во торбата на разбојниците. Тие потоа избегале во непознат правец.
Вработените пријавиле во полициската станица во Велес. Според портпаролката Анита Стојковска полициска екипа направила увид и се работи на откривање на идентитетот на разбојниците. Во полициската станица денеска се повикуваат лица за кои полицијата се сомнева дека можеби токму тие се разбојниците.
За шест месеци ова е втор грабеж во играчницата „Адмирал“ и се трага по претходните разбојници. Taa работи во дел од поранешната стоковна куќа „На ма“ во центарот на Велес./Б.Н