Велес постави рекорд: 183 дарувани крвни единици на крводарителска акција

Рекордни 183 крвни единици беа донира во неколку часа на крводарителската акција којашто ја организираа вешелкиот Црвен крст заедно со Мото клубот „Носачи на крстот“ и институтот за трансфузиона медицина. Граѓаните подавајќи ја својата рака и дарувајќи крв со цел да спасат повеќе човечки животи ја потврдија солидарноста и човечноста кои се темелни вредности во заедницата.

Од големо значење е и учеството на десет волонтери од Клубот на млади, кои помогнаа во реализацијата на целата активност.

Црвен крст и организаторите изразија голема благодарност до сите крводарители за нивната хуманост и солидарност, како и до велешкиот театар „Џинот“ во чии простории се одржа крводарителската акција.

Овој значаен настан потврдува дека солидарноста и волонтеризмот продолжуваат да бидат основни столбови на заедницата.

Стефани Манева