Во сабота крводарителска акција во Велес

Општинската организација на Црвен Крст од Велес, ги поканува сите граѓани коишто сакаат да дадат придонес за јавното здравје на населението да земат учество на крводарителска акција која велешкиот црвен крст ќе ја одржи заедно со здружение „Велес Бајкинг“.

Крводарителството е врвен чин на хуманоста, не е поврзано со Ковид-19 и е сосема безбедно. Биди хуман, дарувај крв, спаси нечиј живот, пишува во соопштението на Црвен Крст на РСМ, Општинска организација Велес.

Крводарителската акција ќе се одржи во просториите на Ликовен салон во Велес, на 4 декември, сабота со почеток во 10:00 часот и ќе трае до 15:00 часот.

Стефани Манева