Земјоделски работник пронашол неексплодирана граната близу Росоман
Објавено на 27 мај, 2024 во 11:24
Во атар на село Паликура, општина Росоман, шеесет и пет годишниот С.С од село Виничани, од општина Градско, извршувајќи земјоделски работи во нива пронашол неексплодирана граната.
– Пиротехничар од Дирекцијата за заштита и спасување безбедно ја подигнал гранатата, а увид на местото извршила увидна екипа од ОВР Кавадарци, пишува во дневниот билтен на Сектор за внатрешни работи Велес.
Инаку, случајот во Одделение за внатрешни работи бил пријавен вчера, во 14:20 часот.
Стефани Манева
