Зимската комунална служба на Општина Чашка работи на терен, за помош на граѓаните ставен на располагање телефон за повици

Снегот што падна на локалните патишта во населените места на Општина Чашка се чисти од екипи на ЈПДК„Тополка“,информира градоначалникот Горан Стојановски.

„Зимската служба на општина Чашка и ЈПКД Тополка активно работи на расчистување од снег на локалните патишта во општината. Мометално со едно вклучено возило се работи на расчистување на локалниот пат кон селата Горно и долно Јаболчиште. Зимската служба на ЈПКД Тополка во текот на ноќта ќе биде постојано на терен со цел да се обезбеди непречен сообраќај кон населените места. Почитувани граѓани на општина Чашка напоменуваме дека е задолжително употребa на зимска опрема за движење на вашите возила,“ рече Стојановски.

Градоначалникот информацијата ја објави и на Фејсбук со напомена дека доколку граѓаните имаат потреба за брза и итна помош треба да се јават на задолженото лице од општина Чашка на тел.број: 075 331 340.

Убавка Јаневска