На езеро „Младост“ во тек е VIII „Велешки пливачки маратон“ (ФОТО)
![](https://duma.mk/wp-content/uploads/2021/09/Maratonnaslovnasologo.png)
Со учество вкупно 27 пливачи во тек е одржувањето на осмиот „Велешки пливачки маратон“ на езеро “Младост“.
Годинава натпреварот има најмал број на учесници. Но да дојдат или да се натпреваруваат не пропуштија најдобрите македонски пливачи.
![](https://duma.mk/wp-content/uploads/2021/09/TomiStefanovskisologo.png)
Томи Стефановски прославениот маротонски пливач не го криеше воодушувањето од велешкиот маратон.
-Пливањето бара трки, настани преку кои пливачите ќе ја подобруваат формата. Овие трки се база од каде црпиме млади пливачи. Традиционално, ова е најдобро организиран маратон кој за жал годинава нема многу натпреварувачи. Една од причините е ковидот а друга несредените односи во пливачката федерација. Маратонот во Велес е празник за пливачкиот спорт, додаде Стефановски.
![](https://duma.mk/wp-content/uploads/2021/09/Evgeni-PopAcevsologo.png)
Во водите на езеро „Младост“ веќе плива Евгениј Поп Ацев, еден од најдобрите светски маратонски пливачи. Пред стартот на трката Поп Ацев за Дума.мк рече:
-Јас како професионален натпреварувач со големо задоволство доаѓам на овој маратон. Ова е еден од најдобро организираните маратони и штета што ковидот не дозволи повеќе пливачи да настапат, додаде Поп Ацев.
Годинава се одржаа два маратона на кои Попацев во Охрид беше трет а во Капри – Италија го освои шестото место.
По завршувањето на професионалната маратонска трка следи доделувањето на наградите.
Лазар Лазаровски
Фото галерија
![](https://duma.mk/wp-content/uploads/2021/09/Maratonrekreativci2sologo.png)
![](https://duma.mk/wp-content/uploads/2021/09/Maratonrekreativci3sologo.png)
![](https://duma.mk/wp-content/uploads/2021/09/Maratonpublika4sologo.png)
![](https://duma.mk/wp-content/uploads/2021/05/SEMM.jpg)