Победа на ГОК „Борец“ над гостиварска „Јехона“, повреден ракометарот Сиљанов

Во натпревар од првата ракометна лига група А, во спортската сала „Гемиџии“ ракометарите на „Борец“ беа подобри од екипата на “Јехона” од Гостивар. Домаќините постигнаа победа  со пет гола разлика поточно со резултат 27:22.

Натпреварот беше интересен со многу набој и нервозна атмосвера поради лошото судење на судиската двојка чии одлуки влијаеја на играта на ракометарите на двете екипи.

Домашните ракометари покажаа подобра игра и водеа во текот на целиот натпревар.

Во првото полувреме преку Филип Сиљанов кој стрелаше осум пати во противничкиот гол  одржуваа констатна разлика од два гола што  ја зголемија на четири во самиот финиш на првиот дел.

Но, на почетокот на второто полувреме потешко беше повреден Сиљанов кој беше пренесен во градската болница. Тој се здоби со повреда на раката и да се надеваме дека повредата не е толку сериозна како што првично се чинеше.

И покрај немилата случка , домашните продолжија со добрата игра и ја одржуваа разликата преку Ристов, Минов и Стојанов.

Кај гостите кои покажаа голема борбеност подобри од останатите беа Салиху и Живковски но нивната добра игра не беше доволна да стигнат до бодовите. За крај, конечниот резултат 27:22 е можеби производ на не реалниот сооднос на силите на теренот.

Лазар Лазаровски