Започнува Светското првенство во ракомет!

Македонија е во исчекување на нови победи и нови успеси. Од денеска започнува Светското ракометно првенство во Шпанија.

Нашата репрезентација ветува многу радост и нови победи иако нашите ракометари имаа тежок пат кон Севиља, кој траеше речиси 20 часа, и беа соочени со секакви организациски проблеми.

Македонија се надева дека сепак нашите момци  ќе прикажат игра која ќе биде подобра од нашите противници.

Нашата селекција се наоѓа во групата Б. чии натпревари започнуваат денес. Во групата, освен нашата репрезентација се и Исланд, Данска, Катар, Русија и Чиле. Баш Чиле е првиот противник на нашата репрезентација, со која ќе ги удриме копјата на ова првенство.

Противникот на Македонија на овој натпревар, репрезентацијата на Чиле ќе го има второто учество на Светските првенства, откако на ПАНАМ (шампионат на двете Америки) го освои 3.место, зад Бразил и Аргентина. На првото учество пред две години Чиле го освои 22.место. Во составот на оваа јужноамериканска репрезентација нема да настапи нивниот најдобар играч Марко Онето, кој игра во унгарски Веспрем, поради повреда на коленото.

Покрај нашиот натпревар, во рамките на нашата група ќе играат и Исланд – Русија (почеток 18 часот) и Данска – Катар (почеток 20:15 часот).