ЦУК: Вчера 45 пожари на отворено, а викендов вкупно 71 пожари коишто се изгаснати
Објавено на 25 септември, 2023 во 12:33
Во текот на вчерашниот ден,недела,24 септември, на територијата на државата регистрирани биле 45 пожари и сите се изгаснати. Инаку, вкупно, викендов имаше 71 пожари, при што гореле стрништа, сува трева, ниска вегетација, мешана шума и борова шума и депонии, во речиси сите општини.
Според информациите што стигнале до Секторот за операции и координација во Центарот за управување со кризи (ЦУК), противпожарните тимови, некаде помогнати и од месното население, а и со поддршка на воздухоплови на ДЗС и на МВР, ги изгаснале сите пожари на отворено што гореа овој викенд и беа опасност за граѓаните, материјалните и природните добра во државата.
Дума.мк
