ДЗС: Просечната нето-плата во јуни изнесува 45.468 денари
Објавено: 23 август, 2025, во 11:05 часот
Просечната месечна исплатена нето-плата по вработен во јуни годинава изнесува 45 468 денари и е повисока за 8.4 проценти, објави Државeн завод за статистика (ДЗС).
Зголемувањето се должи, пред сѐ, на порастот на просечната месечна исплатена нето-плата по вработен во секторите образование за 14.7 %, дејности на здравствена и социјална заштита за 12.7% и рударство и вадење камен за 12.2 %.
Намалување на просечната месечна исплатена нето-плата по вработен, во однос на претходниот месец, е забележано во секторите финансиски дејности и дејности на осигурување за 7.5 %, трговија на големо и трговија на мало, поправка на моторни возила и мотоцикли за 4.3 % и транспорт и складирање за 2.1 %.
Во јуни годинава просечната месечна исплатена бруто-плата изнесува 68.340 денари.
Дума.мк