Владата им исплати субвенции на земјоделците!
Министерството за финансии соопшти дека денеска исплати 254.430.205 денари за субвенции за повеќе земјоделски гранки.
Од вкупната сума лозарите за одржување на постоечки лозови насади ќе добијат 85 милиони денари, а 2,9 милиони денари за нови лозови насади. На тутунарите за реколтата 2011-та им се исплатени 84 милиони денари.
Пари се исплатени и на овоштарите. 15 милиони денари за одржување на овошни насади и 9,8 милиони денари за нови овошни насади. Како поддршка пари ќе добијат и градинарите во висина од 13,5 милиони денари.
Министерството исплатило субвенции за одгледување на ориз, сончоглед, пченка и фуражни култури, за кравјо млеко, обележани грла говеда и пчели.
Владата на Република Македонија и Министерството за финансии остануваат посветени на подигнување на овој, за македонската економија, клучен сектор, се наведува во соопштението.
