Од полноќ поскапуваат нафтените деривати!
Објавено на 10 септември, 2013 во 11:46
За 1,5 денар по литар се зголемува малопродажната цена на бензините,а дизелот поскапува за два денари. Вака одлучи денеска Регулаторната комисија за енергетика, а новите, повисоки цени на нафтените деривати ќе се применуваат од ноќеска на полноќ.
Согласно одлуката, литар еуросупер БС-95 од ноќеска ќе се продава по 83,5 денари, додека литар еуросупер БС-98 ќе чини 85 денари.
Новата цена на еуродизелот (Д-Е V) изнесува 73 денари за литар, а екстра лесното масло за домаќинство (ЕЛ-1) ќе се продава по 62,00 денари за литар.
Поскапува и мазутот М-1 НС и тоа за 1,171 денари за килограм, со што неговата нова цена достигна 42,774 денари за еден килограм
