Јавно извлекување за субвенции за сончев колектор
Објавено на 7 јуни, 2014 во 09:27
Во Спортскиот центар „Борис Трајковски“ денеска ќе се одржи јавното извлекување на лицата кои ќе остварат право на надомест на дел од трошоците за купен и вграден соларен колектор во своето домаќинство.
Извлекувањето е од шестиот повик за надоместување на дел од трошоците за купување и вградување соларни колекторски системи во домаќинствата за 2014 година. Го организира Министерството за економија, а ќе учествуваат сите апликации што пристигнале во рокот. Избраните ќе бидат субвенционирани со 30 отсто од направените трошоци, но не повеќе од 300 евра.
Јавниот повик беше распишан на 24 јануари и траеше до 31 мај 2014. За негова реализација се предвидени шест милиони денари.
![](https://duma.mk/wp-content/uploads/2021/05/SEMM.jpg)