Голем меѓународен стрип настан во Велес

Во организација на Стрип центарот на Македонија, во Велес во текот на викендот се одржа 18 Меѓународен стрип салон.

Во куќата музеј на Касапови отворена е третата Меѓународна стрип колонија „Велес 2021“, каде млади автори твореле стрипови под будното око на ангажирани едукатори. Финансиран од страна на Министерството за култура на Република Северна Македонија и Општина Велес.

Најголемо значење има стрип конференцијата како дел од проектот „CAN FOR BALKANS”, финансиран од страна на Европската унија – програма Креативна Европа. Имавме учесници од Албанија, Србија, Романија, Белгија и Македонија кои меѓусебно се запознаваа и дебатираа за надминување на стереотипите и историскиот контекст во стип издавашството во светот, рече Томе Трајков, програм координатор во СЦМ.

Исто така беа доделени и наградите од Меѓународниот стип конкурс на кој беа пријавени вкупно 161 стрип од разни земји..

За наградата „Златен стрип“, прво место доби Сабахудин Мурановиќ Муран, од Босна и Херцеговина, за стрипот „УБАВЕЦОТ ДРАГЧЕ“, второто место го делеа двајца  Стрип „ ИМИГРАНТИ“ Дамир Чиврак (сценарио) ,Жељко Иванчиќ(цртеж), Ненад Бариниќ(колор) и  Стрип „ БАЛАДА ЗА МОЈОТ НЕПРИЈАТЕЛ“ Дарко Богданов и Александар Стеванов  и третото место го добија Стрипот „ Colors of Brussels“ на Даша Конопатова од Русија и Стрипот „ШТАЈНЕРОВ КРАЈ “ на авторите Предраг Ѓуриќ (сценарио )и Звонимир Видиќ (цртеж).

За најдобар сценарист прогласен е Марко Стојановиќ  од Лесковац, Србија. Потоа за најдобар уметнички израз Стрипот „СЕЧА КНЕЗОВА„ Марко Стојановиќ од Србија , Игор Крстиќ од Србија и Кристиан Пачурариу од Романија.

За најдобар автор од Македонија е прогласена Ѓургица Варела, Гевгелија’ за стрипот “СМРТТА НА БАЗИЛ ХАРВАРД“.  За најдобар дебитантски стрип Славица Купенкова , Скопје за стрипот „УЧИЛИШНИТЕ АВАНТУРИ НА ЈАН“.

Наградени ученици од основно училиште за најдобар стрип Елена Апостоловска, Стајковци, Скопје за стрипот„ ПРОНАЈДИ ЈА СВОЈАТА СРЕЌА“. Специјална плакета за стрипот „ ЉУБОВЕН ТРИАГОЛНИК“ Марија Јовановска од Куманово. Најдобар стрип вон Македонија Анастасија Видановиќ од Лесковац, Србија за стрипот„ IZMEGU DVE VATRE“ и за најдобро сценарио – идеа Ема Величковска од Скопје за стрипот „ ЛАЗАРОПОЛЕ“.

Наградени ученици од средно училиште, за најдобар најдобар стрип Марија Ристучин и Каја Домазетовска, двете од Скопје, за стрипот „ЛУДО И НЕЗАБОРАВНО“,  специјална плакетаТамара Мишовска од Скопје за стрипот „ЕЛИПСИЗАМ“ и најдобар стрип вон Македонија Милам Конаков од Сомбор-Србија за стрипот MASAKR U MILTONU.

За најдобар ментор признание доби Маја Крстева , наставник од Скопје, за највозрасен ученик Тоде Блажески , Скопје, за најмлад автор признание доби Ана Ристов ,Кавадарци.

Признание за соработка добија Leskovacka Skola Stripa „ NIKOLA MITROVIC KOKAN “ Leskovac, Srbija, Klub ljubitelja stripova Sombor ,Srbija и Klub Likovnih umetnika RASKA SKOLA , Raska , Srbija.

Стефани Манева