Ладен бран во Македонија: Појава на мразеви за Богојавление – Водици
Објавено: 16 јануари, 2026, во 09:05 часот
„За големиот Христијански празник Болијавление – Водици, територијата на Македонија ќе биде под влијание на ладна воздушна маса од исток и од североисток. Во ваква ситуација очекувам ниски температури на воздухот и појава на мразеви особено во утринските часови кога температурите ќе се спуштаат во интервалот од -10 до 0 степени. Ладно ќе биде и преку денот на 19 јануари кога температурите ќе се искачуваат во интервалот од -3 до 8 степени.
Во Скопје и околината за Водици, наутро, температурата ќе се спушти до околу -5 степени а преку денот таа ќе се искачи до околу 5 степени.
Времето пак ќе биде променливо облачно со сончеви периоди а само локално можно е провејување на снег. Ќе дува слаб до умерен ветер од источен и од југоисточен правец и истиот повремено ќе засилува на интензитет,“ соопшти метеопрогнозерот Славчо Поповски.
Дума.мк
