Луѓето бегаат од Киев (Видео)
Објавено на 24 февруари, 2022 во 09:46
Според Би-Би-Си, голем број луѓе го напуштаат Киев, главниот град на Украина. Во градот се слушаат сирени, а улиците кон излезите од градот се пренатрупани.
На социјалните мрежи пишуваат како се чувствува паника во градот, а некои заминале и во прифатилишта. На телевизиските снимки се гледа како луѓето се молат на улица. Дописникот на Гардијан пишува дека на улиците има малку луѓе, а пред банкоматите има огромни гужви.
– Се чини дека сообраќајот преку Северниот мост во Киев во четврток наутро се одвива на запад, а на исток нема автомобили, пишува Си-Ен-Ен.
Екипите на Си-Ен-Ен рано утринава на терен известија дека слушнале експлозии кои звучеле како да доаѓаат од источниот дел на главниот град на Украина.
