Можности за почеток на преговори во рамки на Португалско претседателство, видео средба на Министерот Османи со Министерот Силва
16.02.2021
– Министерот за надворешни работи Бујар Османи, на негово барање, оствари видео средба со Аугусто Сантос Силва, министер за надворешни работи на Португалија, земја претседавач со Советот на Европска Унија, на која покрај билатералните односи, тема на разговор беше и европското досие на Република Северна Македонија.
Како што соопшти Министерство за надворешни работи, фокусот бил ставен на можностите во рамките на португалското претседателство да се заокружи одлуката на Советот на Европска Унија за почеток на преговорите со земјава од март минатата година.
Министерот Османи, се посочува, ја поздрави одлучноста и континуираниот ангажман на португалското претседателство со Советот на Европската унија за европската агенда на Република Северна Македонија и Западен Балкан.
