Владата го овласти Министерот Филипче, да го потпише договорот за набавка на руските вакцини
25.02.2021
Владата вчера ме овласти да го потпишам договорот за набавка на вакцини од Русија. Имавме затворена седница. Договорот е практично по истиот принцип како што беа и останатите договори. Станува збор за количина од 100 илјади дози, истакна денеска министерот за здравство Венко Филипче, кој рече дека веќе интензивно уште во текот на вчерашниот ден во попладневните часови преку претставници на Руската амбасада се обидуваат да добијат поточни и поконкретни информации во однос на тоа кога би пристигнале вакцините во земјава.
Посочи дека и денеска ќе продолжи комуникацијата со претставниците на компаниите „Синофарм” и „Фајзер”.
– Искрено се надевам дека во следните денови ќе ги имаме и конкретните датуми засега остануваме во интензивните разговори со претставници на двете компании, рече Филипче, одговарајќи на новинарски прашања по посетата на поликлиниката Букурешт по повод донација од Стопанска банка за Здравствениот дом во Скопје.
![](https://duma.mk/wp-content/uploads/2021/05/SEMM.jpg)